▲「最牛逼的華人車商」

　　每天為您提供以下精彩汽車內容 　　熱點 　　視頻 　　資訊 　　測評 　　其他

（文章轉自：Menclub）

大約十年前，我試揸過997 GT3前期同后期型之后，我都問自己一個問題：「保時捷會唔會有一日停止發(fā)展911 Turbo？」

因為，997型911 GT3實在太正喇！

典型嘅反駁會系咁：「拿！GT3呢，始終系自然吸氣引擎；911 Turbo，Twin Turbo引擎嘛，啲力嚟得癲好多、喪好多。再者，911 Turbo內櫳grand好多，避震又舒服啲，所以呢，兩款車系唔同market??！?/p>

2015年底公布，2016年起發(fā)售嘅991 facelift版，又被稱為991.2，除左GT3以外，其馀都「Turbo化」，例如Carrera、Carrera S同Carrera GTS，都已改配3公升水平對向六汽缸Twin Turbo引擎。

「純粹只想有部配Twin Turbo引擎嘅保時捷，真系唔使買911 Turbo?！?/p>

講真，呢一日預左會出現，911 Turbo喺呢個處境，或多或少都被Carrera、Carrera S或Carrera GTS「刀光」，冇左以前高高在上，「Twin Turbo引擎只有我同GT2先至有」嘅霸氣。

911 Turbo喺1974年公布，1975年正式投產。可以話，喺930、964年代，911 Turbo絕對系Superstar，對60后、70后嘅車迷嚟講，911 Turbo始終有佢魅力，心里仍俾一個好高嘅位置佢，又或者覺得擁有過911 Turbo系「玩車人生」嘅一個重要里程。

911 Turbo 3.0(1975)

911 Turbo S 3.3(1992)

911 Turbo S 3.6(1998)

今次試嘅呢部911 Turbo S，配3.8公升水平對向6汽缸Twin Turbo引擎，最大馬力580匹/6750rpm，峰值扭力76.5kgm/2250rpm-4000rpm（非overboost狀態(tài)71.4kgm），0至100km/h加速為2.9秒，極速330km/h。

刻意由Normal模式開始試，好輕鬆，喺告士打道一帶至西隧西環(huán)入口前，波箱好快已跳上5波、6波，懸掛只有兩段設校模式，Normal同Sport，以配搭245/35 ZR20同305/30 ZR20嘅輪胎嚟講，緩震表現好好，整體感覺似坐喺德國中型豪華房車，好舒服，系可以日日用嘅代步車。唯一要留意系：911 Turbo S嘅wide body計，令佢車尾真系幾闊，過線又好，泊位也好，都要預鬆少少位，望清楚。當要進出一啲商廈停車場，緩衝位唔多嘅話，的確有壓力。

我特登跳過Sport模式，直接上Sport Plus，即時成部車「硬曬」，懸掛自動調到Sport，無論喺任何車迷之下，PDK波箱都派到一個最合適嘅波檔，拉高把引擎聲，

「摟」你踩大油加速，你把心一橫右腳大力篤落油門，嗰種強勁加速感，就好似企喺地鐵車門，后面突然有十幾廿人將你撞入車箱一樣，嗰一刻你深知頂唔住呢班友，引擎推力絕對系排山倒海之勢，「嘩！好勁呀！我死喇！冇?喇！」

如果香港高速公路，極速上限系220km/h，多一倍就正！

唔計930或964年代，由993數起到今次991.2嘅Turbo S，「911 Turbo」真系大部左好多，老實講，我覺得997已經到我個人標淮嘅上限。但揸落之后，發(fā)現而家4.5米嘅車長，1.88米闊嘅車身又唔算好大部，唔論盡，比起996同997兩代嘅911 Turbo，991.2 Turbo S嘅四驅抓著力豐富之馀，前輪唔會喺入彎早段有太強烈嘅「抗拒」，車頭仲算系好肯「啜」入彎心，喺好似荃錦公路嘅山路，即使細幅度嘅微細扭軚，車頭好快就畀到實時反應。

我鍾意咁樣嘅調校，唔想再好似997 Carrera 4S嗰類「行路軌」嘅感覺，循跡性強，但流于生硬，估唔到今次試揸嘅911 Turbo S喺彎路都可以有幼細同靈巧。

991.2喺上落嘅慢彎同中彎，整體嚟講幾生猛，同時又好穩(wěn)定，呢一代嘅911，猛力加速時嘅車頭上仰情況已變得好輕微，喺大多數乾爽或微雨情況下，后輪都非常之咬的，除非你刻意要劃破后輪極限，否則佢系一部好易揸得快，令你覺得好爽兼好興奮嘅大馬力Twin Turbo跑車。

一面倒令大多數人更易駕馭嘅缺點，就系冇左993或964年代911 Turbo嗰種，令你喺彎路有戰(zhàn)戰(zhàn)兢兢、又怕又好玩嘅大馬力RR車風味。

今次試車時間唔算長，如果有得落track，又或者喺人煙稀少嘅地帶揸快啲，相信可以對佢PTV Plus同后輪轉向（Rear axle steering）有多啲，同深入啲嘅體會，但初步覺得，后輪同車尾喺連續(xù)S彎總喺有一股無形力量介入，令你產生一種感覺：背脊同后輪嘅距離近左，從而覺得成部車好nimble。

911 Turbo S有幾多缺點？有！車廂隔音太好，加上Turbo引擎聲唔響亮清晰，如果想又快又好靚的話，請移玉步到隔嚟舖911 GT3。另外，我嫌今代911 Turbo嘅外形唔夠辣，斯文左啲，如果下一代911仲有911 Turbo或911 Turbo S，保時捷一定要為呢位「Turbo開山老祖」加辣，甚至系勁辣呀，唔該！