肉彈

好似狄娜就系肉彈，同脫星唔一樣，唔好搞錯。

脫星

而陳維英就系脫星，同肉彈唔一樣，又唔好搞錯。

唔知陳維英系邊個嘅話，請自己上網(wǎng)查一下。

波霸

唔系美斯，唔系Ｃ朗，更加唔系拜恩，系葉子楣。

唔知葉子楣系邊個嘅話，又請自己上網(wǎng)查一下。

舞女〔母女〕

負(fù)責(zé)喺夜總會陪客人傾偈、飲酒、跳舞、猜枚、同上床嘅工作，喺八九十年代嗰時，年青貌美嘅舞女收入都唔錯，比好多人嘅收入高好多，而年老色衰嘅就會獲贈一張冷板凳嚟坐。

交際花〔膠制花〕

原意系指嗰啲善于交際應(yīng)酬嘅女人，但系內(nèi)含貶意，多數(shù)俾人覺得等同于高級妓女〔貴妃雞〕。

飛仔、飛女

等同依家嘅“MK仔”、“MK女”，舊時通常都唔會單系叫飛仔、飛女，多數(shù)會尊稱佢哋做“死飛仔”、“死飛女”嘅。

油脂仔、油脂妹

喺七八十年代興起一套叫《油脂》嘅電影之后，跟風(fēng)學(xué)電影角色著衫打扮嘅死飛仔、死飛女都升呢成為油脂仔、油脂妹，而油脂妹之后仲發(fā)展出“甴曱妹”、“wet妹”等嘅稱呼。

老泥妹

繼油脂妹、wet妹之后出現(xiàn)嘅另一個變種，通常系指嗰啲流連街頭，周圍游蕩，無所事事，冇書讀，冇工做，唔愿回家嘅少女。

油艇仔、油艇女．〔油瓶仔、油瓶女〕

唔系油王嘅仔女，亦唔系船王嘅仔女，系個老母帶著啲仔女改嫁之后，啲仔女會就自動俾人升呢叫佢哋做油艇仔、油艇女。喺舊時，通常系會俾人“白眼”睇唔起嘅。

后底乸〔后仔乸〕

男人帶著仔女另娶老婆，新老婆〔后母〕就自動俾人升呢做后底乸，無論做得幾好，都一定會俾啲三姑六婆話佢刻薄老公前妻嘅仔女。

魚蛋妹

喺八九十年代興起嘅一種已消失嘅行業(yè)，工作地點系喺魚蛋檔，但系哩啲魚蛋檔并唔系賣魚蛋嘅，個檔口只會提供一啲卡位，請一啲未成年嘅少女〔魚蛋妹〕陪客人傾偈，但通常啲客人都好少傾偈，只會將對手游走喺魚蛋妹嘅身上，有啲魚蛋妹仲會提供“達(dá)菲雞”嘅服務(wù)，但魚蛋檔里頭系唔準(zhǔn)涉及性交易，想進(jìn)一步嘅話就要同魚蛋妹商議好之后出外面交易。

姑爺仔

同嗰啲食軟飯、食拖鞋飯嘅男人有啲唔同，分別系喺食軟飯、食拖鞋飯嘅男人只系靠女人做嘢嚟養(yǎng)自己，通常個樣都系猥瑣頹廢，略帶道友型格嘅。但系姑爺仔就唔同，佢哋系靠女人做雞〔妓女〕嚟養(yǎng)自己，先要條件系高大俊朗，略帶邪氣仲加好，所以有啲男人平生最夢寐以求嘅系做個食軟飯、食拖鞋飯嘅男人，唔系做個姑爺仔，唔好搞錯。

馬夫

搞清楚，馬夫同姑爺仔系兩樣嘢嚟架，馬夫嘅工作只系帶啲妓女上馬纜，唔使靠靚仔，姑爺仔要呃啲女仔做妓女，唔靚仔口才唔好都唔使指意做得成呀，以前啲黑社會最鐘意搵啲個樣靚靚仔仔既〔古惑仔〕嚟做姑爺仔。

菠蘿雞

唔好當(dāng)成系菠蘿炒雞球，菠蘿雞系指啲黐飲黐食嘅人。

十三點

系指嗰啲活躍好動，傻頭傻氣又帶啲愚昧無知嘅少女，但唔知來源是不是嚟自好多年前嘅一本叫《13點》嘅漫畫。

裙腳仔

系指嗰啲好似長唔大嘅男仔。成日好似個細(xì)路仔咁，系出門或者撤嬌嗰時，仲要拉住阿媽嘅裙腳邊咸啊咸啊一樣。喺以前，會系咁叫佢哋，但到咗依家，都仲系。

馬姐〔自梳女〕

扎起馬尾長辮、著住白衫黑褲、嚟自順德嘅全能一腳踢住家工人，立志梳起唔嫁嘅自梳女，大多數(shù)都系刻苦耐勞、廚藝精湛，通常會聯(lián)埋啲志同道合嘅馬姐一齊湊錢買樓，退休之后就一齊住，亦即系姑婆屋。

來源：網(wǎng)絡(luò)、羊城網(wǎng)